2022-yilning yanvar—aprel oylarida yirik korxonalar tomonidan 0,4 mln tonna avtomobil benzini ishlab chiqarilgan. Bu haqda Davlat Statistika qo‘mitasi xabar berdi.
O‘zbekistonda avtomobil benzini ishlab chiqarish bo‘yicha so‘nggi 5 yil davomida eng yuqori ko‘rsatkich 2018-yilda qayd etilgan.
Bunga ko‘ra, 2018-yilda respublikada jami 1,1 mln tonna avtomobil benzini ishlab chiqarilgan.
Xususan:
- 2016-yil 1,1 mln tonna, o‘sish sur’ati 106,6 foiz;
- 2017-yil 1,1 mln tonna, o‘sish sur’ati 98,0 foiz;
- 2018-yil 1,1 mln tonna, o‘sish sur’ati 103,2 foiz;
- 2019-yil 1,0 mln tonna, o‘sish sur’ati 89,4 foiz;
- 2020-yil 1,0 mln tonna, o‘sish sur’ati 99,4 foiz.
2021-yilning dastlabki ma’lumotlariga ko‘ra, yirik korxonalar tomonidan 1,1 mln tonna benzin ishlab chiqarilgan.
Avvalroq O‘zbekistonda qaysi yonilg‘i turidan ko‘p foydalanilishi haqida xabar berilgandi.
Izoh (0)