Toshkent viloyati Nurafshon shahrida noqonuniy yer oldi-sotdisiga chek qo‘yildi. Bu haqda viloyat Ichki ishlar bosh boshqarmasi xabar qildi.
Ma’lum bo‘lishicha, Toshkent viloyati Nurafshon shahrida yashovchi A.Z. va D.T. (1976-yilda tug‘ilgan) ismli shaxslar Ohangaron tumani hududida joylashgan 1,87 gektar bo‘sh yer maydonini xaridorga hech qanday hujjatsiz (noqonuniy ravishda) 140 ming dollarga sotmoqchi bo‘lgan. Ular oldindan avans sifatida 10 ming dollar miqdoridagi pulni talab qilib, yerning kadastr hujjatlarini keyinchalik to‘g‘rilab berishi va’da qilgan.
O‘tkazilgan tezkor tadbirda ular 10 ming dollarni pora tariqasida olgan vaqtida qo‘lga olingan.
Holat yuzasidan ushlangan shaxslar va ularga nisbatan to‘plangan hujjatlar Nurafshon shahar IIBga topshirilgan. Hozirda tergov harakatlari olib borilmoqda.
Avvalroq Bo‘stonliqda 1,32 gektar yerni 50 ming dollarga sotishga uringan uch nafar shaxs ushlangani, Samarqandda tuman hokimining soxta qarori bilan qariyb 20 ming dollarga yer sotgan xo‘jalik rahbari aniqlangani, Davlat kadastrlari palatasi Nurobod tuman filiali mutaxassislari 2 mln so‘m pora bilan ushlangani to‘g‘risida xabar berilgandi.
Mavzuga doir:
- Surxondaryoda qishloq xo‘jaligi yerlarida qurilish ishlarini amalga oshirib, 3,1 mlrd so‘mdan ortiq zarar yetkazgan jamiyat rahbari aniqlandi
- Namanganda fuqaroga fermer xo‘jaligi yerini ajratib berish uchun 15 ming dollar so‘ragan hokim yordamchisi va uning sheriklari ushlandi
- Samarqandda 1 gektar yerni 430 ming dollarga sotishga uringan shaxslar qo‘lga olindi
Izoh (0)