Qashqadaryo viloyati Shahrisabz tumanida 30-may kuni YTH sodir bo‘ldi. Bu haqda viloyat Ichki ishlar boshqarmasi xabar qildi.
Qayd etilishicha, yo‘l-transport hodisasi shu kuni soat taxminan 19:00 lar chamasida shaharning “Teparlik” mahallasi Ipak yo‘li ko‘chasida sodir bo‘lgan. Fuqaro Sh.Sh. o‘zining boshqaruvida bo‘lgan Nexia avtotransport vositasi bilan harakatlanayotib piyoda B.A.ni urib yuborgan.
YTH oqibatida jabrlanuvchi tan jarohati olib, Shahrisabz shahar tibbiyot birlashmasiga yotqizilgan. Bemorning olgan jarohati yuzasidan sudga oid tibbiyot ekspertizasi tayinlangan.
Holat yuzasidan surishtiruv harakatlari olib borilmoqda.
Avvalroq Qashqadaryoda Lacetti yo‘lni kesib o‘tayotgan velosipedchini urib yuborgani, Samarqandda Cobalt 16 yoshli piyodani urib, uchirib yuborgani, Samarqandda otasiga tegishli Lacetti’ni boshqargan 8-sinf o‘quvchisi urib yuborgan ikki kishidan biri vafot etgani haqida xabar berilgan.
Izoh (0)