Farg‘ona viloyati Buvayda tumanida avtomobillarga gaz quyish shoxobchasida “Moskvich” avtomashinasida yong‘in sodir bo‘ldi. Bu haqda viloyat Favqulodda vaziyatlar boshqarmasi xabar qildi.
Qayd etilishicha, Buvayda tumani FVBga tungi soat 21:30 da “Bunyodkor taraqqiyot metan servis” MCHJga qarashli AGTSHdan gaz to‘ldirib chiqayotgan “Moskvich” avtomobili yonayotgani to‘g‘risida xabar kelib tushgan.
Shunga ko‘ra, yong‘in-qutqaruv guruhi voqea joyiga soat 21:40 da yetib borgan. Yong‘in soat 21:43 da to‘liq bartaraf etilgan.
Hodisa oqibatida jarohatlangan va vafot etganlar yo‘q. Hozirda yong‘in sababi va zarar miqdori aniqlanmoqda.
Izoh (0)