Qashqadaryo viloyati Qamashi tumanida 26-may kuni 3 ta mashina ishtirokida yo‘l-transport hodisasi sodir bo‘ldi. Bu haqda Yo‘l harakati xavfsizligi xizmati xabar qildi.
Qayd etilishicha, holat 26-may kuni soat 13:25 larda Qamashi tumani hududidan o‘tgan Qarshi—Chem—Chiroqchi—Shahrisabz avtomobil yo‘lining 57-kilometrida sodir bo‘lgan. Haydovchilar:
- S.A. boshqaruvida bo‘lgan Nexia;
- X.E. boshqaruvida bo‘lgan Lacetti;
- F.Y. boshqaruvida bo‘lgan Spark avtomobillari ishtirokida to‘qnashuv yuz bergan.
Holat yuzasidan Qamashi tumani IIB YHXB xodimlari tomonidan surishtiruv olib borilmoqda.
Avvalroq Farg‘onada Spark va Nexia-3 to‘qnashuvida haydovchilardan biri halok bo‘lgani, Sirdaryoda Lacetti va Nexia to‘qnashuvi oqibatida 5 kishi vafot etgani, Namanganda 14 yoshli bola “Jiguli”da tengdoshini bosib ketib, uning o‘limiga sababchi bo‘lgani to‘g‘risida xabar berilgandi.
Izoh (0)