Jizzaxda kontrabanda yo‘li bilan qo‘shni davlatdan olib o‘tilgan giyohvandlik moddalarini sotishga uringan shaxsga nisbatan sud hukmi o‘qildi. Bu haqda “Yoshlar” telekanalining “Yangi davr” informatsion dasturida ma’lum qilindi.
Ma’lum bo‘lishicha, Baxmal tumanida yashovchi 36 yoshli fuqaro Tojikiston fuqarosi bo‘lgan sherigi bilan 2021-yilning avgust oyida o‘zbek-tojik chegarasidan kontrabanda yo‘li bilan 2,832 kilogramm opiyni olib o‘tgan.
U giyohvandlik moddasining 13,8 grammini esa o‘zi iste’mol qilishi uchun yashash uyi hovlisiga ko‘mib, qolgan 2,818 gramm narkotikni uch dona shisha idishga joylab, sotish uchun olib ketayotgan vaqtida DXX va Davlat bojxona qo‘mitasi xodimlari hamkorligida o‘tkazilgan tezkor tadbirda Toshkent shahar “Erkin” YPX maskanida qo‘lga olingan.
Jinoyat ishlari bo‘yicha Jizzax shahar sudida ayblanuvchiga nisbatan 12 yilga ozodlikdan mahrum etish jazosi tayinlangan.
Avvalroq Toshkentda sintetik giyohvand moddalarni belgilangan bir manzildan boshqasiga yetkazish bilan shug‘ullangan qiz ushlangani, O‘zbekistonda Tojikistondan keltirgan giyohvand moddalarni sotish bilan shug‘ullangan shaxslar qo‘lga olingani to‘g‘risida xabar berilgandi.
Izoh (0)