Zelenskiy Ukraina qo‘shinlarining soni 700 ming nafarga yaqin ekanligini ma’lum qildi

Ukraina armiyasining taxminiy soni 700 ming nafarni tashkil qiladi. Bu haqda mamlakat prezidenti Vladimir Zelenskiy ma’lum qilgan. U 2021-yilda Ukraina qurolli kuchlarining sonini 100 ming nafarga oshirish haqidagi farmonni imzolagandi.

“Bugungi kunda umumiy qo‘shinda 700 ming nafar jangchi bor va siz shuncha odamning qanday kurashayotganini ko‘rib turibsiz”, — degan Zelenskiy “Ukraina 24” kanaliga bergan intervyusida.

Zelenskiy Rossiya armiyasi soniga baho berib, bu haqiqatan juda katta raqamlar ekanligini qayd etdi.

“Men bugun bunday hajmdagi qo‘shinga qarshi Yevropaning hech bir mamlakati qarshilik ko‘rsata olmagan bo‘lar edi, deb o‘ylayman”, — degan Ukraina prezidenti.

24-fevralda Vladimir Putin Ukrainada maxsus harbiy operatsiyalar boshlanganini e’lon qilgan. G‘arb mamlakatlari mazkur qarorni qoralagan va urushning boshlanganiga qarshi bir qator sanksiyalar paketlarini joriy etgan, shuningdek, Kiyevga qurol-yarog‘ yetkazib berishni boshlagan. 21-mayda AQSH prezidenti Jo Bayden Ukrainaga rekord darajada, ya’ni 40 milliard dollar miqdorida yordam ajratish to‘g‘risidagi farmonni imzolagan. Shuningdek, AQSH Ukrainani kemaga qarshi raketalar bilan qurollantirishni rejalashtirgani, undan avval esa Vashington Kiyev so‘ragan baravar o‘t ochuvchi tizimlarni berishdan bosh tortayotgani haqida xabarlar berilgan.