Ijtimoiy tarmoqlarda Namangan viloyati Kosonsoy tumaniga 22-may kuni sel kelgani haqida xabarlar tarqaldi. Viloyat Favqulodda vaziyatlar boshqarmasi holatga munosabat bildirdi.
Qayd etilishicha, shu kuni viloyatda yog‘gan yomg‘ir oqibatida Kosonsoy tumanidagi Kosonsoy soyiga yomg‘irdan to‘plangan suvlar kelgan. Bundan hududdagi aholi yashash xonadonlari, ekin maydonlari hamda boshqalarga zarar yetmagan.
“Hozirda viloyatdagi soylar to‘liq nazoratga olingan hamda sel kelish xavfining oldini olish, uni bartaraf etish maqsadida Namangan viloyati FVB kun-u tun shay holatda”, — deyiladi xabarda.
Bundan avval Namangan viloyati Yangiqo‘rgon tumanidagi ko‘prikning bir qismi kuchli yog‘ingarchilik oqibatida yemirilgani haqida xabar berilgan edi. “O‘zgidromet” dam olish kunlari respublika bo‘yicha jala yomg‘ir yog‘ishi va shamolning kuchayishi kutilayotganidan ogohlantirgandi. Shuningdek, 20—23-mayda rsepublikaning tog‘oldi va tog‘li hududlarida sel-suv toshqin hodisalari yuzaga kelishi mumkin.
Izoh (0)