Britaniyalik xonanda Ed Shiran ikkinchi marta ota bo‘ldi

Britaniyalik xonanda Ed Shiran va uning rafiqasi Cherri Siborn ikkinchi marta ota-ona bo‘ldi, deb xabar beradi People Talk.

“Biz yana bir go‘zal qiz farzandli bo‘lganimizni siz bilan baham ko‘rmoqchimiz. Uni juda ham yaxshi ko‘ramiz”, — deb yozadi xonanda Instagram sahifasida.

Aytish joizki, Ed Shiran nafaqat sevgi haqidagi qo‘shiqlari bilan muxlislar qalbini zabt etgan, balki o‘zini haqiqiy va mehribon ota sifatida ham namoyon qilgan. Xonanda birinchi farzandining dunyoga kelishi uning hayotiga qanday ta’sir qilgani haqida ham tez-tez o‘z taassurotlari bilan bo‘lishib turadi. Uning Layra Antarktida ismli qizi 2020-yil avgust oyida tug‘ilgan.