O‘zbekistonga 3 oyda davolanish maqsadida 18,4 ming xorijlik keldi

Davlat statistika qo‘mitasi 2022 yilning 1-choragida O‘zbekistonga kelgan chet el fuqarolarining safar maqsadlari haqida ma’lumot berildi.

Qayd etilishicha, aksar xorijliklar mamlakatga qarindoshlarni yo‘qlash uchun kelgan — 536,2 ming kishi. Bundan tashqari:

• dam olish — 37,2 ming kishi;
• xizmat yuzasidan — 13,6 ming;
• davolanish — 18,4 ming kishi;
• tijorat — 2,9 ming kishi;
• o‘qish maqsadida — 1,2 ming kishi.

Statistika qo‘mitasi shu mazmundagi axborotning o‘tgan, 2021-yilga tegishli ma’lumotlari bilan ham bo‘lishgandi. Unda ham O‘zbekistonga tashrif buyurgan xorijiy mehmonlarning asosiy qismini qarindoshlarini ko‘rishga kelganlar tashkil qilishi ko‘rsatib o‘tilgan. 1,6 million nafar inson aynan shu maqsadda mamlakatga kelgan.

E’tiborli jihati, 2021-yilda O‘zbekistonga davolanish maqsadida 32,4 ming kishi tashrif buyurgan. 2022-yilning dastlabki 3 oyidayoq o‘tgan yilgi ko‘rsatkichning 56,7 foizi amalga oshib bo‘ldi.