Xitoyda ishsizlik darajasi aprel oyida 6,1 foizga ko‘tarildi. Bu 2020-yil fevral oyida pandemiyaning dastlabki qismida kuzatilgan 6,2 foizlik cho‘qqidan keyingi eng yuqori darajadir. Bu haqda BBC xabar bermoqda.
Bu kengaygan lokdaunlar dunyoning ikkinchi yirik iqtisodiyoti faoliyatining keskin sekinlashishiga olib keldi.
Rasmiy ma’lumotlar chakana sotuvchilar va ishlab chiqaruvchilarga qattiq zarba berilganini ko‘rsatadi.
Mart va aprel oylarida o‘nlab shaharlarda to‘liq yoki qisman lokdaunlar joriy etildi. Shu jumladan, Shanxay savdo markazi uzoq vaqt davomida to‘xtatildi.
Xitoy bosh vaziri Li Ketsyan yaqinda virusning 2020-yildan beri eng yomon tarqalishidan keyin mamlakatdagi bandlik holatini “murakkab va og‘ir” deb ta’rifladi.
Shunga qaramay, hukumat bu yil uchun ishsizlik darajasini 5,5 foizdan past darajada ushlab turishni maqsad qilgan.
Xitoy Milliy statistika byurosi ma’lumotlariga ko‘ra, chakana savdo 2020-yil mart oyidan beri eng katta qisqarishga duch keldi. Aprel oyida ular o‘tgan yilga nisbatan 11,1 foizga qisqardi.
Shu bilan birga, sanoat ishlab chiqarishi o‘tgan yilga nisbatan 2,9 foizga kamaydi, chunki koronavirus tarqalishini to‘xtatish choralari ta’minot zanjirlariga katta ta’sir ko‘rsatdi.
Bu 2020-yil fevral oyidan beri eng katta pasayish bo‘ldi va mart oyida 5 foiz o‘sishning teskarisini ko‘rsatdi.
So‘nggi vaqtlarda Shanxaydan tashqarida yangi holatlar qayd etilmayapti. Cheklovlar sekinlik bilan keyingi oyning boshidan yumshatilishi rejalashtirilmoqda.
Avvalroq Xitoyning g‘ayrioddiy eksport to‘lqini nihoyasiga yetayotgani haqida xabar berilgan edi.
Izoh (0)