McDonald’s Rossiyadan butunlay chiqib ketishini e’lon qildi. Bu haqda “Kommersant” xabar bermoqda.
Avvalroq kompaniya Rossiyadagi fastfud restoranlarini yopgan edi.
Rossiya bozoridan chiqishdan ko‘rilgan zarar McDonald’s uchun 1,2 mlrd dollardan 1,4 mlrd dollargacha bo‘lishi mumkin.
Kompaniya Rossiyadagi barcha McDonald’s restoranlarini mahalliy xaridorga sotish niyatida. Kompaniya ushbu restoranlarni “dearxizatsiya” jarayonini boshlamoqchi, bu esa McDonald’s nomi, logotipi, brendingi va menyusidan foydalanishni taqiqlashni nazarda tutadi, — deydi McDonald’s.“TASS” xabar berishicha, Rossiyada restoranlar yangi brend ostida ish boshlaydi. Bu iyun oyining o‘rtalarida sodir bo‘lishi mumkin. Yangi kompaniyada hozir Rossiyaning McDonald’s’da ishlayotgan jamoa faoliyat olib boradi.
McDonald’s rasmiy bayonotidan farqli o‘laroq, restoranlar va menyular tarmog‘i ham saqlanib qolinishi aytilmoqda.
McDonald’s prezidenti va bosh direktori Kris Kempchinskining so‘zlariga ko‘ra, kompaniya o‘zining barcha xodimlari, rossiyalik yetkazib beruvchilar va mahalliy franshizasi bilan faxrlanadi.
Shunga qaramay, biz jahon hamjamiyatiga sodiqmiz va o‘z qadriyatlarimizda sobit qolishimiz kerak, — dedi u Ukrainadagi harbiy operatsiya fonida Rossiyada biznesni olib qolishning iloji yo‘qligiga ishora qilib.McDonald’s Rossiyadagi faoliyatini to‘xtatgan va 14-mart kuni o‘z restoranlarini yopgan edi, biroq ba’zi franshiza muassasalari shu kungacha o‘z faoliyatini davom ettirmoqda.
Rossiya hukumati allaqachon McDonald’s o‘rnini mahalliy ovqatlanish tarmoqlari egallashini bildirgan.
Avvalroq Rossiyani tark etayotgan xalqaro kompaniyalarda 200 mingga yaqin hodim ishlashi haqida xabar berilgan edi.
Izoh (0)