Shavkat Mirziyoyev 2021-yil mart oyi boshida aholini ipoteka kreditlari orqali uy-joy bilan ta’minlash to‘g‘risidagi farmonni imzolagan edi.
Shunday qilib, 2021-yildan boshlab ipoteka kreditlari bo‘yicha 6 oylik imtiyozli davr joriy etildi, shaharlarda esa dastlabki to‘lov 20 foizdan 15 foizgacha pasaytirildi.
Ishlab chiquvchilarga pandemiya davrida taqdim etilgan imtiyozlar uzaytirildi.
Endilikda daromadi yuqori bo‘lmagan hamda uy-joy sharoitlarini yaxshilashga muhtoj bo‘lgan fuqarolar ipoteka krediti uchun subsidiya olishlari mumkin.
Iqtisodiy taraqqiyot va kambag‘allikni qisqartirish vazirligi tomonidan bu bo‘yicha kelib tushgan arizalar to‘g‘risida 2022-yilning 11-may holatiga ma’lumot taqdim etildi.
Umumiy holatda 29 mingta subsidiya ajratilishi rejaga kiritilgan bo‘lib, hozirga qadar subsidiya uchun topshirilgan arizalar soni 85 820 ta. Ulardan 4 329 tasi mas’ul tashkilotlarda ko‘rib chiqilayotgan bo‘lsa, 8 304 tasi maxsus komissiya tomonidan o‘rganilyapti.
Bugungi kunga qadar arizalardan 49 623 tasi rad etilgan. Umumiy arizalarning 81 foizi — 23 564 tasi uchun ijobiy qaror qabul qilingan. Ulardan 22 114 tasi yangi uy-joy sotib olish uchun, 1 450 tasi uy-joy ta’mirlash uchun ajratilgan.
Avvalroq Ipoteka kreditlariga asosiy stavka o‘zgarishining ta’siri haqida xabar berilgan edi.
Izoh (0)