Instagram: Turk yigitga turmushga chiqqan o‘zbek aktrisasi, Feruza Jumaniyozova xonadonida bayram, “pul yomg‘iri”ga duch kelgan Shahlo Zoirova

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola etamiz.

Munisa Rizayeva kuzatuvchilarini o‘zgalarga past nazar bilan qaramaslikka chorlamoqda.

“Qalpoq” hajviy ko‘rsatuvidagi Alfiya kampir obrazi bilan tomoshabinlarga yaxshi tanish aktrisa Barno Teshaboyeva dovonda qurut olish uchun to‘xtadi. Shu payt muxlislar tanib qolib, sevimli aktrisasi bilan suratga tushish uchun uni o‘rab oldi.

Gulchehra Eshonqulova o‘g‘li bilan tushgan suratini sahifasiga joyladi.

16-may kuni Feruza Jumaniyozova o‘g‘li Abdullohning 10 yoshga to‘lishi munosabati bilan xonadonida bayram tashkillashtirdi.

Turk aktyori Engin Akyurek muxlislariga yangi surat bilan ko‘rinish berdi.

Shahlo Zoirova o‘zi xizmatda bo‘lgan to‘ylardan birida “pul yomg‘iri” ostida qoldi. Shahlo sahifasiga joylagan videoda kelinsalom aytayotgan aktrisa hamda mehmonlar ustidan xonadon egalari tomonidan pul sochilganini ko‘rish mumkin.

Nilufar Usmonova o‘ychan qiyofada tushgan surati bilan bo‘lishdi.

Taniqli aktyor Fathulla Mas’udov hayot bo‘lganida 16-may sanasida 59 yoshni qarshi olgan bo‘lardi. Aktyorning farzandlari, yaqinlari ushbu kunda marhumning rafiqasi Gulira’no Mas’udovani tabriklashdi.

Gulira’no Mas’udova aslida 30-avgust kuni tug‘ilgan. Biroq u o‘sha kuni turmush o‘rtog‘i vafot etgani uchun bu kunni tug‘ilgan kun sifatida nishonlamaslikka qaror qilgan. Gulira’no Mas’udova farzandlariga endilikda Fathulla Mas’udov tug‘ilgan — 16-may sanasini o‘z tug‘ilgan kuni sifatida nishonlashini aytgan.

Zohirshoh Jo‘rayev yangi surati izohiga muxlislariga atalgan iliq so‘zlarini yozib qoldirdi.

Yosh aktrisa va xonanda, tomoshabinlarga “Sketch shou” hajviy loyihasidagi chiqishlari bilan yaxshi tanish Kamila Arabshoyeva turkiyalik yigit bilan unashtirilgani aks etgan videolar bilan bo‘lishdi.

Sitora Alimjonova esa baxtning kichik narsalarda ekanligini aytmoqda.

“Mendirman Jaloliddin” serialining ikkinchi fasli suratga olish ishlari boshlandi. O‘zbekistonlik aktyorlar Istanbulga yetib bordi.

Maryam Tillayeva Toshkentdan Moskvaga uchayotganida aerportda uning chemodanini ochib, telefonini titkilab, sinchiklab tekshirishgani, shuningdek, “Aniq Toshkentdan kelyapsizmi?”, deya qayta-qayta so‘rashgani haqida kuzatuvchilariga so‘zlab berdi. “Do‘stlarimga olgan sovg‘alarimni musodara qilishdi. Hech qachon bunday qattiq tekshiruvga duch kelmagan edim”, — deb yozadi Maryam.