Samarqand viloyat Narpay tumanida noqonuniy ravishda spirtli ichimliklar ishlab chiqarish sexini tashkil qilganlar ushlandi, deb xabar bermoqda viloyat Ichki ishlar boshqarmasi.
Qayd etilishicha, Narpay tumanida yashovchi U.I. yaqin qarindoshlari va tanishlaridan iborat jinoiy guruh tuzib, noqonuniy ravishda qo‘lbola spirtli ichimliklar mahsulotlarini tayyorlash, qadoqlashga mo‘ljallangan yashirin sex tashkil qilgan.
Yashirin sexda 36 xil turdagi 1068 dona shisha idishlarga qadoqlangan tayyor aroq hamda 70 litr qadoqlanmagan alkogol mahsuloti va 687 ta aksiz markasi aniqlanib, tegishli tartibda protsessual hujjatlashtirilgan.
U yerda tayyorlangan mahsulotlar viloyatning Narpay, Paxtachi tumanlari hamda Navoiy viloyatidagi do‘kon va oshxonalarga sotib kelingan.
Holat yuzasidan tergovga qadar tekshiruv harakatlari olib borilmoqda.
Avvalroq Samarqandda qo‘lbola usulda alkogol mahsulotlari tayyorlovchi sex borligi aniqlangani, Toshkentda qalbaki “Rollton” ishlab chiqaruvchi yashirin korxona topilgani, Zangiotada taniqli kompaniyaning kir yuvish kukunlarini qo‘lbola usulda tayyorlab sotayotgan shaxs ushlangani xabar qilingan.
- Buxoroda inson salomatligi uchun xavfli yog‘ mahsuloti ishlab chiqarish bilan shug‘ullangan yashirin korxona aniqlandi
- Qoraqalpog‘istonda qo‘lbola usulda “Qaratau” spirtli ichimligi ishlab chiqaradigan yashirin korxonalar faoliyatiga chek qo‘yildi
- Bulung‘urda noqonuniy faoliyat yuritayotgan spirtli ichimlik sexi borligi ma’lum bo‘ldi
Izoh (0)