Sultonmurod Donayev Qashqadaryo viloyati Maktabgacha ta’lim boshqarmasi boshlig‘i lavozimiga tayinlandi. Bu haqda MTV axborot xizmati xabar qildi.
Qayd etilishicha, Donayev 1983-yil Qashqadaryo viloyati Koson tumanida tug‘ilgan. Qarshi davlat universiteti va Toshkent davlat iqtisodiyot universiteti magistraturasini tamomlagan.
U hozirgacha Qashqadaryo viloyati hokimligi Tashkiliy-kadrlar guruhi rahbari lavozimida ishlab kelgan.
Avvalroq Madaniy meros agentligi direktoriga yangi o‘rinbosar tayinlangani, Farg‘onaning Uchko‘prik tumani hokimi Navoiy hokimiga o‘rinbosar bo‘lgani, Shuhrat Rasulov “O‘zagrosug‘urta” kompaniyasi rahbari etib tayinlangani haqida xabar berilgandi.
Izoh (0)