Kanelo Dmitriy Bivolga revansh taklif qildi. Rossiyalik bokschi esa bunga rozi

Boks bo‘yicha super o‘rta vazn toifasi mutlaq chempioni Saul Alvares (57-2-2, 39 KO) Dmitriy Bivolni (20-0, 11 KO) revansh jangiga chaqirdi.

8-may tongida ikkala bokschi rossiyalik Bivolga tegishli bo‘lib turgan yarim o‘rta vazn toifasida WBO kamari uchun jang qildi.

Hakamlar qaroriga ko‘ra, Dmitriy g‘alaba qozondi va kamarni munosib himoya qildi. Kanelo esa revanshga chaqirish huquqidan foydalandi.

“Albatta, revansh jangini xohlayman. Bu hali hammasi emas”, — dedi meksikalik bokschi jangdan so‘ng.

Unga javoban Bivol esa: “Muammo yo‘q, chempion kabi munosabatda bo‘lishlarini istayman”, — deya javob berdi.

Ma’lumot uchun, Dmitriy Bivol g‘alabalari sonini 20 taga yetkazdi. Kanelo esa faoliyatidagi ikkinchi mag‘lubiyatini qabul qildi. U 2013-yil sentabrida Floyd Meyvezerga ochkolar hisobida yutqazgandi.