Kolumbiyaning Moskera shahri ko‘chalarida bulutga o‘xshash ko‘piklar paydo bo‘ldi, deb xabar beradi “Korrespondent.net”.
Ta’kidlanishicha, bu tabiiy ofatlarga bog‘liq emas, biroq uning qanday paydo bo‘lganini tushuntirishning hozircha imkoni yo‘q.
Mahalliy hukumatga ko‘ra, noodatiy substansiyaning daryoga tashlangan chiqindilar sabab yuzaga kelgan. Xususan, unga mamlakat poytaxti — Bogotadan suvlar oqib keladi.
Ma’lumki, maishiy yuvish vositalarida ishlatiladigan faol moddalar va fosfatlar suv bilan aralashganda ko‘pik hosil qiladi — bu esa atrof-muhitga salbiy ta’sir ko‘rsatib, inson organizmiga zarar keltiradi.
Bundan oldin Buyuk Britaniyada “arvoh kamalak” hosil bo‘lgani, Avstraliyada 71 ming marta chaqmoq chaqqani to‘g‘risida xabar berilgandi.
Izoh (0)