Surxondaryodan Toshkentga iste’molga yaroqsiz go‘sht mahsulotlarini olib kelayotgan Cobalt avtomobili aniqlandi. Bu haqda viloyat IIB Jamoat xavfsizligi departamenti xabar berdi.
Ma’lum qilinishicha, Surxondaryo viloyati IIB JXX JTSB Karantin tadbirlarni ta’minlash bo‘linmasi hamda viloyat Veterinariya va chorvachilikni rivojlantirish bo‘limi xodimlari tomonidan “Darband” YPX maskanida nazorat reyd tadbirlari olib borilgan.
Tadbir davomida Angor—Toshkent yo‘nalishida harakatlanib kelayotgan 20 yoshli A.O. boshqaruvida bo‘lgan Cobalt rusumli avtotransport vositasida veterinariya-sanitariya qoidalariga amal qilinmagan holda, hech qanday hujjatlarsiz jami 218 kilogramm go‘sht mahsulotlarining olib ketilayotgani aniqlangan. Holat bo‘yicha o‘rnatilgan tartibda hujjatlar rasmiylashtirilgan.
Avvalroq Jizzaxda Nexia yukxonasi va salonidan Toshkentga olib ketilayotgan 712 kg noma’lum hayvon go‘shti topilgani, Buxorodan Toshkentga 500 kg iste’molga yaroqsiz go‘sht olib ketayotgan Isuzu to‘xtatib qolingani to‘g‘risida xabar berilgandi.
Izoh (0)