Gollivud yulduzlari orasida haqiqatan ulkanligi bilan mashhur bo‘lgan aktyorlar bilan tanishing.
Piter Mexyu, 2 metr 21 sm
Piter 1976-yilda “Sinbad va yo‘lbars ko‘zi” filmida Minotavr rolini o‘ynaganidan keyin “Yulduzlar jangi”ning 4-qismi uchun kastingdan o‘tdi. Qizig‘i shundaki, u hech qanday sinovsiz Minotavr roliga olingan — prodyuserlar uning suratini gazetalardan birida ulkan oyoqli odamlar haqidagi maqolada ko‘rib qolishadi. Piter Chubak tasvirlangan “Yulduzlar jangi” filmi eskizlarini ko‘rgach, o‘z omadini sinab ko‘rishga qaror qiladi. Uning rolga ma’qullanishi uchun zalga rejissor Jorj Lukas va prodyuser Gari Kurts kirib kelganida o‘rindiqdan turish kifoya edi. Afsonaviy aktyor 2019-yilda vafot etdi.
Bred Garret, 2 metr 3 sm
Bred baland bo‘yi uchun emas, balki ajoyib hazil tuyg‘usi tufayli aktyor-komediyachi sifatida muvaffaqiyat qozongan. Biroq bo‘yi ham yordam bergani aniq: tomoshabinlar hazillaridan oldin uning o‘zini payqashadi. Filmlarda u asosan turli personajlarga ovoz berib, faqat epizodlarda o‘ynagan (“Stuart Littl-2” filmida chilangar obrazi kabi).
Dueyn Jonson, 1 metr 95 sm
Qoya laqabi bilan ham tanilgan kurashchi va aktyorning vazni katta bo‘lgani uchungina katta yulduz emas. Kurashchilardan mashhur aktyor chiqishi kamdan kam uchraydigan holat, lekin Dueynga omad kulib boqdi. Chunki 2002-yilda o‘zining birinchi bosh roli (“Chayonlar shohi” filmidagi) uchun u 5,5 million dollar oldi va Ginnesning rekordlar kitobiga kiritildi. Rekord haligacha yangilanmagan va Dueyn muvaffaqiyatli filmlarda rol o‘ynashda davom etmoqda – “Forsaj-7”ning o‘zi butun dunyo bo‘ylab 1,5 milliard dollar to‘plagan.
Armi Hammer, 1 metr 95 sm
Armi “Yolg‘iz Reynjer” filmining premyerasida Jonni Deppdan deyarli 20 santimetr baland edi. Intervyuda milliarder Armand Xammerning vorisi uning bo‘yi faoliyatining dastlabki bosqichida rol o‘ynashiga to‘sqinlik qilganini aytadi: “Uzoq vaqt davomida bo‘yim sababli rol ololmadim — o‘smir rolini o‘ynash uchun juda novchalik qilar edim”.
Vins Von, 1 metr 95 sm
Vinsning bo‘yi uning karyerasiga hal qiluvchi ta’sir o‘tkazmagan, ammo “To‘rt Rojdestvo” filmidagi aktrisa Riz Uizerspun (1 metr 55 sm) bilan dueti juda esda qolarli chiqqan. Shu bilan birga, aktyor “Amerikacha ajralish” filmida Jennifer Eniston (1 metr 65 sm) bilan juftlik rolini o‘ynagan.
Richard Kil 2 metr 18 sm
Aktyor 70-yillarning oxirlarida Bond haqidagi ikkita (“Meni sevgan ayg‘oqchi” va “Oy poygachisi”) filmlaridagi Jag‘ ismli yovuz qahramon roli tufayli mashhur bo‘lgan.
Maykl Klark Dunkan 1 metr 96 sm
Bo‘yi balandligi tufayli Dunkan “Yashil milya“ filmida rol ijro etgan. Bu rol chinakamiga omad keltirdi: Gollivud yulduzlari qo‘riqchisi bo‘lib ishlagan Maykl film ekranlarga chiqqandan so‘ng mashhur bo‘lib ketdi, hatto “Oltin globus” va “Oskar” mukofotlariga nomzod bo‘ldi.
Teyler Perri 1 metr 95 sm
2011-yilda Forbes jurnali uni yillik daromadi 130 million dollar bo‘lgan ommaviy o‘yin-kulgi sohasining eng boy odami deb topdi.
Mavzuga doir:
Izoh (0)