Odessada uch oylik qizchaning dafn marosimi. Xarkovdagi yong‘in va Donbassdagi bunkerlar. Urushning 63-kunidan fotoreportaj
Ukrainadagi urushning oltmish uchinchi kuni yakunlandi. Odessada 23-aprel kungi hujumda halok bo‘lganlar bilan vidolashuv marosimi o‘tkazildi. Rossiya Zaporojyedagi pozitsiyalarini yaxshilashga harakat qilmoqda, ammo yo‘qotishlarga uchramoqda. Donbassda janglar davom etmoqda. Ukraina tomoni Rossiyani Severodonetskdagi shahar kasalxonasini o‘qqa tutishda va Donetsk viloyatida fosforli qurollardan foydalanganlikda ayblamoqda. Meduza manbalarining xabar qilishicha, may oyi o‘rtalarida Donetsk va Luganskda Rossiyaga qo‘shilish, Xerson viloyatida esa Xerson xalq respublikasini tashkil etish bo‘yicha referendum o‘tkazish rejalashtirilmoqda.
Odessa
Uch oylik Kira Glodan, onasi Valeriya va buvisi Lyudmilaning dafn marosimi. Ular 23-aprel kuni Odessadagi turar joy binosiga qilingan raketa hujumi oqibatida halok bo‘lgan. Rossiya Mudofaa vazirligi zarba nishoni harbiy obyekt bo‘lganini da’vo qilmoqda.Foto: EPA
Chernigov viloyati
Lukashovka qishlog‘ida vayron bo‘lgan cherkov. Mahalliy aholi vakillarining so‘zlariga ko‘ra, rossiyalik harbiylar undan o‘q-dori omborxonasi sifatida foydalangan.Foto: Reuters
Kolichovka qishlog‘ida yashovchi Fadey ismli bola Rossiya armiyasi qoldirib ketgan harbiy yuk mashinasi ichida o‘ynamoqda.Foto: Reuters
Zaparojye viloyati
Front chizig‘ida joylashgan Gulyaypole shahridagi uyda ukrainalik askarning quroli. Zaporojye viloyatining bosib olingan hududlarida rossiyalik harbiylar Ukraina xavfsizlik kuchlari vakillari yashagan (yoki yashayotgan) joylarni topish uchun uylarni tintuv qilib chiqmoqda.Foto: EPA
Front chizig‘i yaqinidagi daraxt ostida dam olayotgan ukrainalik askar. Ukraina Qurolli kuchlarining kechki hisobotiga ko‘ra, Rossiya Zaporojye yo‘nalishida o‘z qo‘shinlarining taktik pozitsiyasini yaxshilashga uringan, ammo yakunda qo‘shinlar yo‘qotishlar bilan chekingan.Foto: Getty Images
Xarkov
Mahalliy aholi tez yordam xodimiga yaradorni tashishda yordam bermoqda. Rossiya qo‘shinlari Xarkov va viloyatning aholi turar joylariga artilleriya va minomyotlardan zarba berishda davom etmoqda. Viloyat harbiy boshqarmasi boshlig‘i Oleg Sinegubovning so‘zlariga ko‘ra, 27-aprelga o‘tar kechasi qilingan hujumda 3 kishi halok bo‘lgan, 15 kishi yaralangan.Foto: AP Photo
O‘t o‘chiruvchilar Xarkovdagi hujumlardan birida yonib ketgan yoqilg‘i quyish shoxobchasidagi yong‘inni o‘chirmoqda.Foto: EPA
Xarkov pochtaxonasi oldida gumanitar yordam uchun navbat.Foto: Getty Images
Donbass shimoli
Yampol shahri yaqinida Ukrainaning Su-25 samolyoti Rossiya hujumi paytida himoyalanish uchun issiqlik tuzoqlarini chiqarmoqda. Yampol Liman yo‘nalishida joylashgan bo‘lib, u yerda Rossiya oldinga siljimoqda: masalan, Rossiya armiyasi Kramatorsk tumanidagi Zarechnoye aholi punkti ustidan allaqachon nazorat o‘rnatgan.Foto: AFP
Ukraina harbiylari rus qo‘shinlari bilan jangdan so‘ng tankni ta’mirlab, unga avtomat o‘rnatmoqda.Foto: AP Photo
Ukraina harbiylari “Grad” baravar o‘t ochuvchi raketa tizimidan o‘q uzmoqda. Ukraina Qurolli kuchlari ma’lumotlariga ko‘ra, Rossiya Donetsk va Lugansk viloyatlari hududi ustidan to‘liq nazorat o‘rnatish va Qrim bilan quruqlik yo‘lagi yaratish uchun oldinga siljishda davom etmoqda.Foto: Reuters
To‘qqiz yoshli Karolina bunkerga kirish eshigi yonida yetti oylik singlisini ko‘tarib turibdi. LisichanskFoto: AFP
Severodonetskda odamlar bunkerga kirmoqda. Lugansk viloyati rahbari Sergey Gaydayning so‘zlariga ko‘ra, Rossiya Severodonetskdagi shifoxonani o‘qqa tutgan. Gaydayning aytishicha, rus qo‘shinlari kasalxonada odamlar borligini bilardi, ammo “bu ularni to‘xtata olmadi”. Bir ayol vafot etgan.Foto: AFP
Severodonetskdagi bunkerda yadro zarbasi tasvirlangan diorama.Foto: AFP
Izoh (0)