Iftorlik uchun kartoshka va sabzi qo‘shib, tovuq oyoqchalaridan mazali taom tayyorlaymiz

Lifehacker taqdim etgan navbatdagi retsept bo‘yicha mazali taom tayyorlash juda oson, shuningdek, u vitaminlarga ham boy.

Kerakli mahsulotlar:

• kartoshka — 2-3 dona;
• sabzi — 1 dona;
• bulg‘ori qalampiri — 1 dona;
• piyoz — 1 dona;
• o‘simlik yog‘i — 2 osh qoshiq;
• tovuq oyoqlari — 2-4 dona;
• yashil no‘xat — 100 gramm;
• suv — 300 ml;
• pomidor sousi — 2-3 osh qoshiq;
• tuz va ziravorlar.

1. Kartoshka, sabzi va bulg‘ori o‘rtacha, piyoz esa mayda to‘g‘raladi.
2. Yog‘ o‘rtacha olovda qizdiriladi va tovuq oyoqlari qizarguncha qovuriladi.
3. Ustidan piyoz qo‘shib, 3-4 daqiqa qovuriladi.
4. So‘ngra kartoshka, sabzi, no‘xat va bulg‘ori qo‘shilib, suv quyiladi. Pomidor sousi qo‘shilib, aralashtiriladi.
5. Qaynab chiqqach, idish qopqog‘i yopilib, 35-40 daqiqa davomida past olovda pishiriladi.
6. Tayyor bo‘lishidan 5-10 daqiqa oldin tuz va ziravorlar qo‘shiladi.