O‘zbekistondagi “Muruntov” oltin koni 2021-yilda ham dunyodagi eng ko‘p oltin ishlab chiqargan kon bo‘ldi

Kanadada oltin oldi-sotdisi bilan shug‘ullanadigan eng yirik kompaniyalardan biri Kitco 2021-yilda ishlab chiqarish bo‘yicha dunyodagi eng yirik oltin konlari reytingini tuzdi. Unda birinchi o‘rinni O‘zbekistondagi “Muruntov” oltin koni egallagan. 

Quyida kompaniya tomonidan taqdim etilgan oltin ishlab chiqarish bo‘yicha top-10 oltin konlari haqida so‘z yuritiladi. Ishlab chiqarish hajmi unsiyada ko‘rsatilgan.

1. Muruntov, O‘zbekiston 2 mln unsiya (taxminan).

O‘zbekistonda joylashgan “Muruntov” kon kompleksi ochiq usulda kon va yig‘ma yuvish operatsiyalarini olib boradi. Kon 2021-yilda 2 mln unsiyadan sal ko‘proq oltin qazib olgani taxmin qilinmoqda. “Navoiy” davlat kompaniyasi tomonidan boshqariladigan kon 3,3 km uzunlikda, eniga 2,5 km va 600 m chuqurlikda joylashgan. Konning resurs bazasi 150 mln unsiyaga baholanishini hisobga olsak, “Muruntov” yaqin kelajakda dunyodagi eng yirik oltin koni unvonini saqlab qoladi. “Muruntov” oltin koni 2020-yilda ham xuddi shuncha oltin ishlab chiqarib, bu borada birinchi bo‘lgan edi.

2. Karlin, AQSH 1,5 mln unsiya

2019-yil 1-iyulda Barrick’s Goldstrike va Nyumontning Carlin kompaniyalari Nevada oltin konlari aksiyalariga gealik qila boshladi va u yerni “Karlin” deb nomladi. Ushbu ulkan integratsiyalashgan kon Elko shahrining g‘arbiy qismida Carlin Trend deb nomlanuvchi geologik tizmalarda joylashgan. 56 kmga cho‘zilgan Carlin Trend birinchi marta 1965-yilda Nyumont geologlari Jon Livermor va Alan Kup tomonidan kashf etilgan.

3. Grasberg, Indoneziya 1,37 mln unsiya

Freeport-McMoRan kompaniyasining Indoneziyaning Papua provinsiyasidagi Grasberg mis-oltin koni 1936-yilda golland geologi tomonidan topilgan. Uni Ertsberg yoki “rudali tog‘” deb atashadi. 30 ming kishini ish bilan ta’minlaydigan kon Papuadagi eng baland tog‘ Punkak Jaya yaqinida dengiz sathidan 4 100 m balandlikda joylashgan. Konda oltin ishlab chiqarish 2001-yilda eng yuqori cho‘qqisiga chiqqan va 3,5 mln unsiyadan oshgan. 2021-yilda konda 1,37 mln unsiya oltin qazib olindi. 

4. Olimpiada, Rossiya. 1,11 mln unsiya;
5. Kortez, AQSH 0,82 mln unsiya;
6. Pueblo Viejo, Dominikan Respublikasi 0,81 mln unsiya;
7. Kibali, Kongo 0,81 mln unsiya;
8. Kanada Malartikasi, Kanada 0,71 mln unsiya;
9. Detour Leyk, Kanada 0,71 mln unsiya;
10. Loulo Gounkoto, Mali 0,7 mln unsiya.

Avvalroq Navoiyda 2 ta yangi oltin koni ochilishi haqida xabar berilgan edi.