Adilbek Reimbayev Qoraqalpog‘iston Respublikasi Suv xo‘jaligi vaziri vazifasini bajaruvchi lavozimiga tayinlandi. Bu haqda vazirlik matbuot xizmati xabar berdi.
Adilbek Reimbayev 2000-yil Toshkent irrigatsiya va qishloq xo‘jaligini mexanizatsiyalash muhandislari institutini tamomlagan. Ma’lumoti bo‘yicha mutaxassisligi agromuhandis.
Mehnat faoliyati davomida Qoraqalpog‘iston Respublikasi Jo‘qorg‘i Kengesi apparati tashkiliy-nazorat bo‘limi boshlig‘ining o‘rinbosari, Quyi Amudaryo irrigatsiya tizimlari havza boshqarmasi boshlig‘ining o‘rinbosari, “Paxtaarna-Nayman” irrigatsiya tizimi boshqarmasi boshlig‘i, Qoraqalpog‘iston Respublikasi Suv xo‘jaligi vazirining o‘rinbosari lavozimlarida ishlagan.
2020-yildan hozirgi kungacha O‘zbekiston prezidenti huzuridagi Davlat xizmatini rivojlantirish agentligi Qoraqalpog‘iston Respublikasi filiali rahbarining o‘rinbosari lavozimida faoliyat yuritib kelayotgan edi.
Avvalroq Dilshod Kenjayev Prezident ta’lim muassasalari agentligi direktorining birinchi o‘rinbosari etib, Shukrullo Jahongirov esa qurilish vazirining yangi o‘rinbosari etib tayinlangani to‘g‘risida xabar berilgandi.
Izoh (0)