Eng oddiy retsept bo‘yicha ispancha shirinlik — churros tayyorlab ko‘ring

Churros — ispancha shirinlik bo‘lib, uzunchoq yoki dumaloq shaklda bo‘lishi mumkin. Shirinliklar shakar upasiga botirib olinadi va dasturxonga asal yoki karamel bilan tortiladi. “Domashniy ochag” nashri dunyo oshxonasiga oid mazali shirinlik retsepti bilan bo‘lishdi.

Kerakli mahsulotlar:

• suv — 150 ml;
• un — 60 gramm;
• sariyog‘ — 50 gramm;
• tuxum — 2 dona;
• o‘simlik yog‘i, shakar upasi.

1. Suv idishga quyiladi va sariyog‘ solinib, eriguncha isitiladi. So‘ngra aralashtirilib, un va tuz solinadi.
2. Quyuqligi smetana singari bo‘lgach, olovdan olinadi.
3. Xamir sovugach, 5 daqiqadan keyin tuxum bilan aralashtiriladi, qandolat qopiga quyiladi.
4. Tovada o‘simlik yog‘i yaxshilab qizdiriladi. Qopchadan siqib chiqarilgan shirinliklar  yog‘da har tomoni qizargunga qadar pishiriladi.
5. Shirinlik shakli ta’bga ko‘ra turli shaklda bo‘lishi mumkin.
6. Tayyor bo‘lgan churrolar qog‘oz salfetka ustiga qo‘yiladi va birozdan keyin shakar upasiga botirib chiqiladi.