Samarqand shahrida soxta hujjatlar orqali o‘qishga kiritib qo‘yishni va’da qilgan shaxs qo‘lga olindi, deb xabar beradi Bosh prokuratura huzuridagi departament.
Ma’lum qilinishicha, departamentning Samarqand shahar bo‘limi tomonidan tezkor tadbir o‘tkazilgan. Tadbir davomida S.X. ismli shaxs fuqaro Sh.ning ishonchiga kirib, unga tanishlari yordamida Qozog‘istondagi universitetlardan birida 3 yil o‘qigani to‘g‘risida soxta hujjatlar tayyorlab berish orqali Samarqand davlat universiteti Iqtisodiyot fakultetining 2-bosqichiga o‘qishga kiritib qo‘yishni va’da qilgani aniqlangan. “Xizmati evaziga” 2 ming dollar olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Buxoroda fuqaroning Tojikistondagi o‘qishini ko‘chirib berish uchun 2 ming dollar olgan ayol qo‘lga tushgani, Surxondaryoda fuqaroning Tojikistondagi o‘qishini 1,5 ming dollar evaziga ko‘chirib berishni va’da qilgan shaxs ushlangani to‘g‘risida xabar berilgandi.
Mavzuga doir:
- DXX Samarqandda xorijdan o‘qishni ko‘chirish uchun qalbaki hujjat tayyorlovchi shaxslarni qo‘lga oldi
- Andijonda fuqarolarning xorijdagi o‘qishini O‘zbekistonga ko‘chirib berish uchun jami 3,1 ming dollar olgan shaxslar ushlandi
- Farg‘onada 30 nafar talabaning o‘qishini Qirg‘izistondan O‘zbekistonga ko‘chirib berish uchun 67 ming dollar olgan shaxslar ushlandi
Izoh (0)