Iqtisodiy tadqiqotlar va islohotlar markazi mart oyidagi ishbilarmonlik faoliyatini tahlil qildi. Bu haqda Markaz matbuot xizmati “Daryo”ga ma’lum qildi.
Hududlar kesimida Navoiy viloyatida eng yuqori o‘sish sur’ati qayd etilgan, 5 ta hududida bank operatsiyalari soni oshdi, yirik korxonalar soni 268 taga ko‘paydi.
Ishbilarmonlik faolligi indeksi (IFI) 2022-yil mart oyida 1026 birlikni tashkil etib, fevral oyiga nisbatan 2,6 foizga oshdi. Shuningdek, IFI o‘tgan yilning mos davriga nisbatan esa 16 foizga o‘sdi.
2022-yilning mart oyida IFI o‘tgan oyga nisbatan 2,6 foizga oshib, 1026 birlikni tashkil etishi quyidagi komponentlar darajasidagi o‘zgarishlarga bog‘liq bo‘lgan:- xo‘jalik yurituvchi subyektlarning bank hisob varaqalaridagi operatsiyalar soni 0,9 foizga oshgan;
- faoliyat ko‘rsatayotgan xo‘jalik yurituvchi subyektlar bo‘yicha komponent 2,7 foizga oshgan;
- tovar-xomashyo birjasida xomashyo sotib olish jadalligi 3,7 foizga oshgan;
- tovar belgilari bo‘yicha komponent 5,8 foizga oshgan.
Hududlar kesimida Navoiy viloyatida eng yuqori o‘sish sur’ati qayd etilgan
2022-yil mart oyida ishbilarmonlik faolligi indeksi 13 ta hududda o‘tgan oyga (2022 yil fevral) nisbatan o‘sish kuzatilgan. Navoiy (45,8 foiz), Jizzax (38,4 foiz), Buxoro (36,8 foiz) va Sirdaryo (29,4 foiz) viloyatlarida sezilarli darajada o‘sish kuzatilgan (2-rasm).
Shu bilan birga, ushbu indeks Qashqadaryo viloyatida o‘tgan oyga nisbatan 1,6 foizga pasayish kuzatilgan.
Bank hisob varaqalari bo‘yicha operatsiyalar soni
2022-yil mart oyida banklararo to‘lov operatsiyalari soni 5 mln tani tashkil etdi va 2022-yilning fevral oyiga nisbatan 45,2 ming tranzaksiyaga (0,9 foiz) oshgan.
Banklararo to‘lov operatsiyalari soni 5 ta hududda oshgan
2022-yil martda respublikaning 5 ta hududida yuridik shaxslar o‘rtasidagi bank operatsiyalari soni o‘tgan oyga nisbatan oshgan. Xususan, sezilarli darajadagi o‘sish Toshkent shahrida (4,1 foiz) kuzatilgan. 9 ta hududdan Toshkent (-8,7 foiz) va Buxoro (-7,8 foiz) viloyatlarida sezilarli darajada pasayish kuzatilgan.
Tovar xomashyo birjasidagi faollik
2022-yilning mart oyida IFIning birja komponenti 1,0369 birlikni tashkil etdi. Bu esa ushbu komponentning o‘tgan oyga nisbatan 3,7 foizga o‘sganligini anglatib, bitimlar sonining (13,2 foiz) oshganligi bilan izohlanadi.
Respublika tovar-xomashyo birjasida tovarlar savdosi umumiy aylanmasi hajmi 2022-yil mart oyida 6,8 trln so‘mni tashkil etib, ushbu ko‘rsatkich o‘tgan oyga nisbatan 9,8 foizga oshgan.
Kompaniyalarning faolligi
Faoliyat yuritayotgan kompaniyalar bo‘yicha komponent 2022-yil mart oyida 1,0269 birlikni tashkil etib, o‘tgan oyga nisbatan 2,7 foizga oshganligini ko‘rsatadi. Ushbu ko‘rsatkich o‘tgan yilning mos davriga nisbatan 4,9 foizga oshgan.
Kompaniyalar soni 2022-yilning mart oyiga (581 775 birlik) nisbatan 5 041 taga ko‘payib, 586 816 birlikni tashkil etgan.
Yirik tadbirkorlik bilan shug‘ullanuvchi korxonalar soni 268 taga oshgan
Hisobot davrida, kichik korxonalar soni 470 712 tadan 475 465 tagacha oshgan (o‘sish 4 753 ta). Fermer xo‘jaliklari soni 107 710 tadan 107 730 tagacha (o‘sish 20 ta) oshgan. Yirik tadbirkorlik bilan shug‘ullanayotgan subyektlar soni 3 621 tani tashkil etib, 2022-yilning fevral oyiga nisbatan 268 taga oshgan.
Brendlarni ro‘yxatga olish
2022-yil mart oyida savdo belgilari muhofazasi bo‘yicha biznes faolligi indeksi 1,0577 birlikni tashkil etib, ushbu ko‘rsatkich 2022-yilning fevral oyiga nisbatan 5,8 foizga oshgan. Joriy yilning mart oyida yuridik shaxslar tomonidan 330 ta tovar belgilari va tovar nomlari ro‘yxatga olingan.
Izoh (0)