Ukraina prezidenti Vladimir Zelenskiy urushning 54-kuni yakunlariga bag‘ishlangan videomurojaatida Rossiyaning Donbassni egallash uchun jang boshlaganini e’lon qildi.
Rossiya qo‘shinlari uzoq tayyorgarlik ko‘rilgan harakat – Donbass uchun jangga kirishdi. Rossiya armiyasining katta qismi ushbu yo‘nalishdagi hujumga asosiy e’tiborini qaratgan. Hududni egallash uchun qancha rossiyalik harbiy jalb qilinishidan qat’i nazar, biz himoyalanishda davom etamiz. Har kuni vatan uchun kurashamiz. Ukrainaning hech narsasini berib qo‘ymaymiz va birovning buyumi bizga kerak emas.O‘z navbatida Ukraina prezidenti ofisining rahbari Andrey Yermak urushning ikkinchi bosqichi boshlanganini qayd etdi va xalqni mamlakatning qurolli kuchlariga ishonishga chaqirdi. Avval Ukraina harbiy kuchlari bosh shtabi Rossiya Donbassga yana bosqin qilishni boshlagani va bu hujumning yangi bosqichi ekanligini xabar qilgan.Vladimir Zelenskiy
Ukraina Milliy xavfsizlik va mudofaa kengashi kotibi Aleksey Danilov 18-aprel tongida Rossiya qo‘shinlarining Donetsk, Lugansk va Xarkov viloyatlaridagi front chizig‘ida mudofaani yorib o‘tishga uringani, Kremennaya shahri hamda yana bir aholi punktiga kirishga muvaffaq bo‘lgani haqida gapirgan.
18-aprel kuni oqshomda Xarkov va Nikolayevga aviazarbalar berilayotgani haqida xabarlar tarqalgan.
Mart oxirida Istanbulda o‘tgan tinchlik muzokaralaridan keyin Rossiya Kiyev va Chernigovsk yo‘nalishlaridagi harbiy faollik keskin qisqarishini e’lon qilib, u yerdan qo‘shinlarini olib chiqib ketgan. Shuningdek, Rossiya Mudofaa vazirligi Donbassni ozod qilish operatsiyasi yakuniga yetkazilishini bayon qilgan.
Izoh (0)