Shavkat Mirziyoyev 15-aprel kuni o‘tkazilgan videoselektor yig‘ilishida “Agrosug‘urta” kompaniyasi faoliyatiga doir topshiriqlar berdi. Bu haqda prezident matbuot kotibi xabar qildi.
Qayd etilishicha, kompaniyaning ishini tubdan o‘zgartirish va umuman qishloq xo‘jaligida sug‘urta bozorini ochish va kengaytirishni rag‘batlantirish bo‘yicha aniq takliflar kiritish vazifasi qo‘yilgan.
Har bir viloyatda mahsulotlarni saqlash, qayta ishlash, quritish, qadoqlash bo‘yicha kichik va o‘rta loyihalarga 65 million dollar yo‘naltiriladi.
Prezident joriy yilda bug‘doy hosilini gektariga 70 sentnerdan kam bo‘lmasligini ta’minlash zarurligini ko‘rsatib o‘tgan.
Shuningdek, jahon bozorlaridagi hozirgi vaziyatdan kelib chiqib, iqtisodiyot va moliya vazirlariga ichki quvvatlarni to‘liq ishga solish va chorva ozuqa ta’minotini yaxshilash maqsadida chetdan olib kelinadigan kungaboqar, soya va boshqa moyli ekinlar bo‘yicha bojxona imtiyozlarini berish va qo‘shilgan qiymat solig‘idan ozod qilish yuzasidan taklif kiritish topshirilgan.
Izoh (0)