Shavkat Mirziyoyev raisligida 14-aprel kuni o‘tkazilgan yig‘ilishda xorijdan kirib kelgan IT mutaxassislardan foydalanish orqali yosh kadrlar salohiyatini oshirish vazifasi qo‘yildi. Bu haqda prezident matbuot kotibi xabar qildi.
Qayd etilishicha, yig‘ilishda birinchi yarim yillikda 6 ta (Toshkent shahri, Qoraqalpog‘iston, Jizzax, Sirdaryo, Farg‘ona, Namangan), yil yakunigacha yana 8 ta masofaviy xizmatlar markazini tashkil qilib, xorijdan buyurtmalar olishni yo‘lga qo‘yish topshirilgan. Jahon IT bozoriga chiqqan kamida 30 ta yirik kompaniyalarning mamlakatda faoliyatini yo‘lga qo‘yish muhimligi aytilgan.
Eng og‘ir hududlar — Qoraqalpog‘iston, Andijon va Surxondaryoda axborot texnologiyalarini rivojlantirishga alohida e’tibor qaratish lozimligi ko‘rsatib o‘tilgan. Ikki oy muddatda xorijlik mutaxassislarni jalb qilgan holda amaliy loyihalar orqali 1 ming nafar yoshlarning IT parklarda malakasini oshirish tizimini yo‘lga qo‘yish bo‘yicha topshiriq berilgan.
Mavzuga doir:
Izoh (0)