Lacetti, Cobalt yoki Nexia — O‘zbekistonda eng ommalashgan avtomobil rusumi qaysi?

2022-yil 1-yanvar holatiga O‘zbekiston bo‘yicha jismoniy shaxslarga tegishli bo‘lgan eng ommalashgan avtomobillar soni ma’lum bo‘ldi. Bu haqda Davlat statistika qo‘mitasi xabar bermoqda.

Unga ko‘ra, Nexia O‘zbekistondagi eng ommalashgan avtomobil rusumi bo‘lib turibdi. O‘zbekiston bo‘yicha 700 mingga yaqin Nexia avtomobili bor. Kuchli uchlikdan Damas va Lacetti rusumli avtomobillar o‘rin oldi.

Umumiy ro‘yxat quyidagicha:

• Nexia — 687 164 dona;
• Damas — 478 270 dona;
• Lacetti — 334 334 dona;
• Cobalt — 331 728 dona;
• Matiz — 296 442 dona;
• Spark — 281 811 dona.

Yil boshidan beri O‘zbekistonda Cobalt va Lacetti eng ko‘p ishlab chiqarilgan avtomobillar bo‘ldi. 

Xususan, ikki oy ichida UzAuto Motors 10 787 ta Cobalt va 12 340 ta Lacetti chiqargan. Biroq aynan mana shu ikkala modelga eng ko‘p navbatlar yuzaga kelmoqda. 

Avvalroq UzAuto Motors rahbari avtomobillar uchun navbatlarga izoh bergandi.