Buzilgan to‘g‘on, hovlidagi qabrlar, zirhli nimchada ekin ekish. Urushning 45-kunidan fotoreportaj

Urushning qirq beshinchi kunida Buyuk Britaniya bosh vaziri Boris Jonson kutilmagan tashrif bilan Kiyevga keldi. U Vladimir Zelenskiy bilan muzokaralar o‘tkazdi va Kiyev markazini aylanib chiqdi. BBC xabariga ko‘ra, Rossiya Ukrainadagi “maxsus operatsiya” qo‘mondonligini Suriyadagi rus qo‘shinlariga qo‘mondonlik qilgan general Aleksandr Dvornikovga ishonib topshirgan. Ukraina Ichki ishlar vazirligi rahbari Rossiya bosqinidan keyin urush qonunlari va urf-odatlarini buzganlik uchun 4200 dan ortiq jinoiy ish qo‘zg‘atilganini ma’lum qildi. Ukrainaning shahar va qishloqlarida esa odamlar qo‘shnilarini tomorqalariga ko‘mib, vayronalar ostidan o‘lganlarning jasadlarini topishda davom etmoqda.