AQSHning 42-prezidenti Bill Klinton NATOning kengayishi haqida maqola yozdi. U alyansga yangi davlatlarning qo‘shilishini xato deb hisoblamaydi. Sobiq davlat rahbari Rossiya prezidentlari Boris Yelsin va Vladimir Putinga NATOga qo‘shilishni taklif qilgan, deyiladi The Atlantic’da e’lon qilingan maqolada.
“NATOning eshiklari doim Rossiyaning qo‘shilishi uchun ochiq bo‘lgan, bu haqda Yelsinga aniq aytganman, keyin esa uning davomchisi Vladimir Putin tasdiqladi”, — deb yozadi Klinton.
Sobiq prezidentning fikricha, Rossiyaning Ukrainadagi harbiy operatsiyasi NATOni kengaytirish zarurligini isbotlamoqda. “Kengayish jiddiy oqibatlarga olib keladigan qaror bo‘lishi shubhasiz, shunga qaramay, men avvalgidek buni to‘g‘ri qadam deb hisoblamayman”, — deya qo‘shimcha qiladi u. Klintonning so‘zlariga ko‘ra, u bu “ziddiyatning qayta yuzaga kelishiga” sabab bo‘lishini yaxshi tushungan. Ammo uning hisoblashicha, bu NATOga emas, balki Rossiyaga bog‘liq.
Rossiya prezidenti Vladimir Putinning buyrug‘iga ko‘ra 24-fevraldan beri Ukrainada harbiy operatsiya o‘tkazilmoqda. Bundan oldinroq Putin o‘z murojaatida G‘arbni Rossiyaning xavfsizlik kafolatlari bo‘yicha javobini tanqid qilgandi. Shuningdek, u 2000-yilda Klinton bilan Rossiyaning NATOga qo‘shilish imkoniyatiga AQSH qanday qarashi haqida gaplashganini ma’lum qilgan.
Izoh (0)