Namangan viloyati Uchqo‘rg‘on tumanida fuqarolarning ishonchiga kirib, ularni shifoxonada turli vazifalardagi ishlarga kiritib qo‘yish uchun pul olgan ayol ushlandi. Bu haqda viloyat Ichki ishlar boshqarmasi xabar qildi.
Qayd etilishicha, 2022-yil 4-aprel kuni Uchqo‘rg‘on tumanida yashovchi ayol (1986-yilda tug‘ilgan) ariza bilan murojaat qilgan. Unda 2021-yil iyul oyida Namangan shahrida yashovchi ayol (1978-yilda tug‘ilgan) uni hamda 17 nafar tanishlarini aldab, Namangan shahrida faoliyat yurituvchi shifoxonalarga hamshira va kichik tibbiyot xodimi sifatida ishga kiritib qo‘yishini aytganini ma’lum qilgan. Ayol ushbu fuqarolarning har biridan 300 va 500 dollargacha mablag‘larini olib, pullarni qaytarmasdan, jami 8 ming 500 dollarni o‘zining shaxsiy ehtiyoji yo‘lida ishlatib yuborgan. Fuqaro ushbu ayolga chora ko‘rishni so‘ragan.
Holat bo‘yicha Jinoyat kodeksining 168-moddasi (firibgarlik) 3-qismi bilan jinoyat ishi qo‘zg‘atilgan.
Mavzuga doir:
Izoh (0)