Bobur Karimov Monopoliyaga qarshi kurashish qo‘mitasi raisining birinchi o‘rinbosari lavozimidan ozod etildi, deb xabar beradi Telegram’dagi “Nigoh” kanali.
Bobur Karimov 2019-yilning fevralidan beri Monopoliyaga qarshi kurashish qo‘mitasi raisining birinchi o‘rinbosari lavozimida ishlab kelayotgan edi.
Uning o‘rniga shu kungacha Prezident administratsiyasi mas’ul xodimi sifatida faoliyat yuritgan Asadulla Qayumov tayinlangan.
Eslatib o‘tamiz, 2021-yilning martida Monopoliyaga qarshi kurashish qo‘mitasiga yangi rais tayinlangandi. 2019-yilning yanvaridan buyon Monopoliyaga qarshi kurashish qo‘mitasi raisi lavozimida faoliyat yuritib kelgan Najmiddinxo‘ja Sharipov Toshkent viloyati hokimining investitsiya va tashqi savdo masalalari bo‘yicha o‘rinbosari lavozimiga tayinlangan edi.
Avvalroq O‘zbekistonda Davlat geologiya va mineral resurslar qo‘mitasi raisi lavozimi joriy etilgani, Din ishlari bo‘yicha qo‘mita raisiga yangi o‘rinbosar tayinlangani, Farrux Po‘latov Kadastr agentligi direktori lavozimiga tayinlangani to‘g‘risida xabar berilgandi.
Izoh (0)