Jahon oltin kengashining so‘nggi hisobotiga ko‘ra, fevral oyida eng ko‘p oltinni O‘zbekiston sotgan. Qozog‘iston yanvar oyida 17 tonna oltin sotganidan keyin fevral oyida yana 5 tonna sotdi.
Bundan tashqari fevral oyida Qatar 6 tonna, Mo‘g‘uliston va Germaniya bir tonnadan oltin sotgan.
Avvalroq fevral oyida O‘zbekiston oltin eksportini keskin oshirgani haqida ma’lum qilingan edi.
Yanvar oyida 587 mln dollarlik oltin sotilgan bo‘lsa, bu ko‘rsatkich fevral oyida 1,7 mlrd dollarni tashkil qilgan. Oltin boshqa tovarlar sotuvi pasayib ketishi sabab 57 foiz ulush bilan O‘zbekistoning asosiy eksport tovariga aylandi.
Fevral oyida O‘zbekiston oltin zahiralari 22 tonnaga kamayib, 339 tonnaga tushgan. Bu 2020-yil dekabr oyidan beri eng past ko‘rsatkichdir.
Biroq qimmatbaho metallar O‘zbekiston uchun hali ham Markaziy bank zaxiralarining muhim qismini tashkil etadi.
Fitch tahlilchilarining fikriga ko‘ra, оltin sotuvi O‘zbekiston iqtisodiyotiga bo‘lgan zararlarni kamaytiradi.
O‘zbekiston oltinini kim va qayerga sotyapti?
Ko‘plab oltin ishlab chiqaruvchi mamlakatlarda uni mamlakatning o‘zi eksport qiladi, ammo O‘zbekistondagi yagona sotuvchi – bu Markaziy bank bo‘lib, ishlab chiqaruvchilardan (masalan, Navoiy kon-metallurgiya kombinatidan) oltinni sotib oladi va uni boshqa mamlakatlarga (asosan Shveysariyaga) eksport qiladi.
Markaziy bankning ma’lum qilishicha, oltin uning narxi qimmatlashgan paytida sotiladi. Fevral oyi esa maqbul payt bo‘ldi — oltin bahosi bir unsiya uchun 1804 dollardan 1913 dollarga oshdi.
Izoh (0)