“Atletiko” Chempionlar Ligasi chorak final dastlabki bahsida “Manchester Siti”ga 0:1 hisobida imkoniyatni boy berdi.
Shu tariqa madridliklarning bir yarim oylik mag‘lubiyatsiz seriyasiga barham berildi. “Matraschilar” so‘nggi bor 16-fevralda mag‘lub bo‘lgandi. Shundan buyon 8 ta o‘yin o‘tkazib, 7 ta g‘alaba va bitta durang natija qayd etdi.
Diego Simeone shogirdlari “shaharliklar”ga qarshi o‘yinning birinchi bo‘limida raqib darvozasiga birorta zarba yo‘llay olmadi. Bu jamoa uchun antirekord hisoblanadi. Statistika hisoblanishi boshlangan 2003-yildan buyon “Atletiko” Chempionlar Ligasi o‘yinining birinchi bo‘limida aniq zarba berib kelayotgandi.
Bungacha “matraschilar”ning YChL birinchi bo‘limlaridagi eng yomon natijasi 5 ta zarba edi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)