Iftorlik uchun folga ichida pishiriladigan laqqa baliq retsepti

Ham mazali, ham to‘yimli laqqa baliqni noodatiy usulda pishiramiz.

Kerakli mahsulotlar:

• laqqa baliq — 1 kilogramm;
• piyoz — 2 dona;
• pomidor — 2 dona;
• sarimsoq — 2 bo‘lak;
• zaytun yog‘i — 5 osh qoshiq;
• ko‘kat, tuz va ziravorlar.

1. Laqqa baliq yaxshilab tozalanadi. So‘ngra bir necha bo‘lakka bo‘lib, idish ichiga joylashtiriladi va tuz, ziravorlar sepiladi.
2. Piyoz va pomidor aylana shaklida to‘g‘raladi. Alohida idishga maydalangan sarimsoq, zaytun yog‘i va to‘g‘ralgan ukrop solib aralashtiriladi.
3. Ikki qavat folga qog‘oziga avval bir dona pomidor va piyoz, ustidan baliq bo‘lagi qo‘yiladi. Ustidan biroz sarimsoqli aralashma quyiladi. So‘ng ustiga yana bittadan pomidor va piyoz solinadi. Yana sarimsoqli aralashma qo‘shiladi.
4. Folganing ikki chekkasi xuddi qayiqcha singari ko‘tarib qo‘yiladi.
5. Qayiqlar pishirish varag‘iga qo‘yiladi va 180-190 daraja pechda 30-35 daqiqa davomida pishiriladi.
6. Dasturxonga ta’bga ko‘ra garnir bilan tortish mumkin.