Toshkent shahar Chilonzor tumanidagi “Xavfsiz shahar” jamoat tartibiga ko‘maklashish markazi binolari kimoshdi savdosiga qo‘yildi. Lot ma’lumotlari “E-auksion.uz” portalida e’lon qilingan.
Lot auksionga Davlat aktivlarini boshqarish agentligi (DABA) tomonidan joylashtirilgan. Binoning qurilgan yili noma’lum.
Umumiy yer maydoni 0,25 gektar. Binoning maydoni — 3065 kvadrat metr. Hovlida gaz, suv, elektr ta’minoti va kanalizatsiya tizimi mavjud. Lot izohida yerga bo‘lgan huquq turi ijara asosida deb berilgan.
Auksionga qo‘yilgan binolarning boshlang‘ich bahosi — 18,5 mlrd so‘m. Arizalar 25-aprel 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Toshkentda bankrot bo‘lgan kompaniyaning 6 qavatli binosi 40 mlrd so‘mga auksionga qo‘yilgani haqida xabar berilgan edi.
Izoh (0)