Toshkent viloyati Olmaliq shahrida nasos agregatlarini o‘zlashtirgan MCHJ rahbari aniqlandi, deb xabar bermoqda Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi departamentning Olmaliq shahar bo‘limi tomonidan tergovga qadar tekshiruv o‘tkazilgan Unda G.E. MCHJga “Toshkent suv ta’minoti” MCHJning Olmaliq shahar bo‘limi tomonidan yaroqliligini tekshirish uchun taqdim qilingan umumiy bahosi 219,2 million so‘mlik 30 dona nasos agregatlarining yaroqsizligi to‘g‘risida soxta dalolatnomalar rasmiylashtirilib, ushbu nasos agregatlari o‘zlashtirish yo‘li bilan talon-toroj qilinganligi aniqlangan.
Holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Izoh (0)