Angliya terma jamoasi 1966-yildan buyon ilk bor Jahon Chempionatining birinchi kunida o‘yin o‘tkazadi.
Angliya so‘nggi bor 1966-yilgi mundialning dastlabki kunida maydonga tushgan edi. Inglizlar Qatarda bo‘lib o‘tadigan JCh—2022 musobaqasida B guruhidan joy oldi.
Garet Sautgeyt shogirdlari Eron, AQSh va Yevropa pley-off g‘olibi (Ukraina/Shotlandiya—Uels) bilan bahs olib boradi.
Eslatib o‘tamiz 1966-yilgi mundial Angliya maydonlarida bo‘lib o‘tgan va unda inglizlar hozircha yagona bo‘lib turgan chempionligini qo‘lga kiritgan.
Ma’lumot uchun, 1-aprel, juma kuni Qatar mezbonligida o‘tadigan futbol bo‘yicha Jahon Chempionati bellashuvlariga qur’a tashlash marosimi bo‘lib o‘tdi.
Jahon Chempionati bellashuvlari 2022-yilning 21-noyabr kunida start olib, 18-dekabrdagi final o‘yini bilan yakuniga yetadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)