Toshkent shahar Mirobod tumanidagi “Zamok znaniy” xususiy bog‘chasi joylashgan qavat kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot auksionga iqtisodiy sudlar hukmi bilan Yakkasaroy tumani MIB tomonidan joylashtirilgan.
Ko‘chmas mulkning umumiy maydoni 481 kvadrat metr, foydali maydon esa 350 kvadrat metr. Xususiy bog‘chada gaz, suv, elektr ta’minoti va kanalizatsiya tizimi mavjud.
Auksionga qo‘yilgan hovlining boshlang‘ich bahosi — 5,4 mlrd so‘m. Arizalar 25-aprel 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Toshkent viloyatidagi 35 xonali dala hovli MIB tomonidan qariyb 8 mlrd so‘mga auksionga qo‘yilgani haqida xabar berilgan edi.
Izoh (0)