Superligada mart oyining eng yaxshilari aniqlandi

Professional futbol ligasi (PFL) Superliganing mart oyidagi eng yaxshilari nomini e’lon qildi.

“Qizilqum” ustozi Nikola Lazarevich mart oyining eng yaxshi murabbiyi deb topildi.

Mutaxassis qo‘l ostida jamoa 3 o‘yinda 2 ta g‘alaba va bitta durang natija qayd etdi. To‘plar nisbati 5:1.

• Slavche Voyneski (“Paxtakor”) – 3 ta o‘yin, 2 g‘alaba, 1 durang;
• Samvel Babayan (“Navbahor”) – 3 o‘yin, 2 g‘alaba, 1 durang;
• Ulug‘bek Baqoyev (“So‘g‘diyona”) – 3 o‘yin, 2 g‘alaba, 1 durang.

“Paxtakor” hujumchisi Dragan Cheran esa oyning eng yaxshi o‘yinchisi nomiga loyiq ko‘rildi. Serbiyalik hujumchi mart oyida 3 o‘yinda ishtirok etib, 2 ta gol va bitta golli uzatmaga mualliflik qildi.

Mazkur sovrin uchun quyidagi futbolchilar ham kurash olib borgandi:

• Milan Mitrovich (“So‘g‘diyona”) – 3 o‘yin, 2 quruq o‘yin, 7 seyv, 1 gol o‘tkazib yuborgan;
• Sherali Jo‘rayev (“Qizilqum”) – 3 o‘yin, 1 gol, 2 assist, 22 marotaba to‘p harakat joyini to‘g‘ri tanlab, unga egalik qilgan;
• Elguja Grigalashvili (“Navbahor”) – 3 o‘yin, 2 gol;
• Shahboz Jo‘rabekov (“So‘g‘diyona”) – 3 o‘yin, 1 gol, 37 yakkakurashlarda g‘olib;
• Erkin Boydullayev (“Qizilqum”) – 3 o‘yin, 1 gol, 20 yakkakurashlarda g‘olib, 17 marotaba to‘pga ega chiqib, raqib hujumini buzgan;
• Javohir Sidiqov (“Qo‘qon-1912”) – 3 o‘yin, 1 gol, 96 aniq uzatmalar, 13 yakkakurashlarda g‘olib.