Slovakiya Rossiyadan Bratislavadagi elchixonada ishlaydigan xodimlarni sonini 35 taga qisqartirishni talab qildi. Bu haqda mamlakat Tashqi ishlar vazirligi axborotiga asoslanib, Reuters xabar bergan.
Slovakiya tashqi ishlar vaziri mazkur qarorga rossiyalik diplomatlardan birining noo‘rin faoliyati sabab bo‘lganini ma’lum qilgan. Biroq Slovakiya TIV diplomatning qanday ish qilganiga aniqlik kiritmagan.
Slovakiya OAV Tashqi ishlar vazirligining talabi Rossiya elchixonasidagi xodimlar sonining ikki baravar qisqarishini anglatishi haqida yozgan. Rossiya tomoni ushbu qaror yuzasidan izoh bermagan.
Oxirgi bir necha hafta ichida turli mamlakatlarda o‘nlab rossiyalik diplomatlarga persona non grata maqomi berilgan. 29-mart kuni Belgiya 21 nafar, Niderlandiya 17 nafar, Irlandiya 4 nafar diplomatni o‘z hududlaridan chiqarib yuborishini bildirgan. Shuningdek, Polsha ham 40 dan ortiq rossiyalik diplomatni mamlakatdan chiqarib yuborishini bayon etgan. Rossiya hukumati ushbu harakatlarga javob qaytarishni va’da bergan. Rossiya diplomatlarni chiqarib yuborayotgan xorij diplomatik missiyalarining xodimlarini teng baravariga qisqartirishni maqsad qilgan.
Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
Izoh (0)