“Real” 18 yoshli futbolchi uchun APL grandlari bilan kurash olib boradi. Madrid jamoasi unga Modrichning o‘rinbosari sifatida qaramoqda

“Real”, “Liverpul” va “Manchester Yunayted” Jud Bellinghemga qiziqish bildirmoqda.

Ushbu grandlar “Borussiya D”ning 18 yoshli futbolchisini o‘z safiga qo‘shib olish istagida.

Angliyalik yarim himoyachi dortmundliklar safida yana bir mavsum qolmoqchi. U nemis jamoasini rivojlanish uchun yaxshi joy deb hisoblamoqda. Futbolchi uchun kurash 2023-yilda avj oladi. Bellinghemning transfer narxi 100 million yevroni tashkil etadi.

“Real” Judni Luka Modrichga o‘rinbosar sifatida ko‘rmoqda.

Jud Bellinghem Goal nashri tomonidan tuzilgan futbol olamidagi eng iqtidorli yosh futbolchilar ro‘yxatiga kiritilgan. Undan tashqari “Borussiya D” yarim himoyachisi FourFourTwo tomonidan 19 yoshgacha bo‘lgan eng istiqbolli futbolchi deya e’tirof etilgan.

Bellinghem joriy mavsum “Borussiya D” safida barcha musobaqalarda 37 ta o‘yinda ishtirok etib, 6 ta gol va 12 ta golli uzatmaga mualliflik qilgan.