AOKAda Davlat test markazi rahbariyati va mutasaddilari ishtirokida bo‘lib o‘tgan matbuot anjumanida markaz tomonidan 2021-yilda amalga oshirilgan ishlar, topshiriqlar ijrosi va 2022-yil uchun belgilangan ustuvor vazifalar haqida ma’lumot berildi.
Ma’lum qilinishicha, o‘tayogan o‘quv yili uchun kirish imtihonlarida 1 million 792 ming 40 nafar nomzod onlayn ro‘yxatdan o‘tgan. Imtiyozli qabul ko‘rsatkichlari bo‘yicha jami 13 080 nafar abituriyent talabalikka tavsiya etilgan.
2022-yilda belgilangan ustuvor vazifalarga ko‘ra, test sinovlari natijalarini e’lon qilish muddati 3 haftadan 1 haftagacha qisqartirildi. Shuningdek, chet tillaridan test sinovlariga xalqaro standartlar asosida ko‘p darajali (multilevel) test tizimi joriy etiladi va 5000 nafardan ortiq talabgorga sinovlarni onlayn topshirish imkoniyati yaratiladi.
2022/2023-o‘quv yilida 1 million nafardan ko‘proq abituriyent OTMlarga kirish uchun hujjat topshirishi kutilmoqda. Ayni paytda DTM tomonidan testlarni o‘tkazish bo‘yicha 2 xil ssenariy ustida ish olib borilmoqda:
- test sinovlarini an’anaviy shaklda 94 ta katta sig‘imli binolarda o‘tkazish;
- pandemiya sharoiti yuzaga kelsa, 53 ta ochiq maydonlar (stadion va xiyobonlar)da o‘tkazish.
Izoh (0)