Abdulaziz Isroilov Toshkent shahar hokimi o‘rinbosarligiga tasdiqlandi, deb xabar beradi poytaxt hokimligi matbuot xizmati.
Abdulaziz Isroilov Toshkent shahar hokimi o‘rinbosari — Kanallardan foydalanish va ularga tutash hududlarni obodonlashtirish boshqarmasi boshlig‘i etib tayinlangan.
Tayinlovga qadar u Toshkent shahar hokimligi Munitsipal aktivlarni boshqarish markazi bosh direktori o‘rinbosari lavozimida faoliyat yuritgan.
Eslatib o‘tamiz, mart boshlarida 2020-yildan buyon Kanallardan foydalanish va ularga tutash hududlarni obodonlashtirish boshqarmasi boshlig‘i lavozimida ishlab kelgan Muxtor Muhitdinov lavozimidan ozod etilgandi.
Avvalroq Samarqandning Nurobod tumaniga yangi hokim, Xorazm viloyati hokimiga yangi o‘rinbosar tayinlangan edi.
Izoh (0)