Toshkent shahrida 3—4-mart kunlari bo‘lib o‘tgan BMT Global aksilterror strategiyasini amalga oshirish bo‘yicha Markaziy Osiyo mamlakatlari konferensiyasida Toshkent deklaratsiyasi qabul qilindi. Bu haqda Dunyo axborot agentligi xabar qildi.
Qayd etilishicha, Toshkent deklaratsiyasi BMT Bosh Assambleyasi 76-sessiyasining rasmiy hujjati sifatida e’tirof etilgan. Hujjat tashkilotning olti rasmiy tiliga — arab, ingliz, ispan, fransuz, xitoy va rus tillariga tarjima qilinib, barcha a’zo davlatlar, BMT ixtisoslashgan muassasalari o‘rtasida tarqatilgan.
Deklaratsiyasida Markaziy Osiyo mamlakatlari BMT va uning nizomi shafeligida ko‘p tomonlama hamkorlikni qo‘llab-quvvatlashini hamda Global aksilterror strategiyasi tamoyillari va maqsadlariga sodiq ekanini tasdiqlagan.
Shuningdek, Birlashgan Millatlar Tashkilotiga a’zo bo‘lgan barcha davlatlar tomonidan tasdiqlangan BMT Global aksilterror strategiyasining terrorizmga qarshi kurash borasidagi keng qamrovli va ko‘p tomonlama harakatlar rejasi hamda muvofiqlashtirish nuqtai nazaridan noyob mazmunga ega bo‘lgan birinchi hujjat ekani ham ta’kidlangan.
Mavzuga doir:
- “2021-yilda Afg‘onistonda amalga oshirilgan 365 teraktda 2,2 ming kishi halok bo‘lgan” — ekspert Komiljon Aripov
- “Xorijiy mehmonlar, BMT vakillari O‘zbekistonda bo‘layotgan islohotlarning, shu jumladan, terrorizmga qarshi kurashdagi ta’sirini yuqori baholadi” — senator Ravshanbek Alimov
- “O‘zbekiston terrorchilikka qarshi kurashda yetakchi o‘rinlardan birini egallaydi” – Aksilterror boshqarmasi rahbari Vladimir Voronkov
Izoh (0)