Namangan shahridan Rossiyaning Krasnoyarsk shahriga 29-martdan boshlab muntazam aviaqatnovlar yo‘lga qo‘yilmoqda, deb xabar beradi Uzbekistan Airways.
Qayd etilishicha, shu kuni “Sharqiy” xab loyihasi doirasida Uzbekistan Express Namangan—Krasnoyarsk—Namangan xalqaro yo‘nalishi bo‘yicha ilk parvozni amalga oshiradi. Ushbu yo‘nalishdagi muntazam aviaqatnovlar to‘liq ekonom formatida haftaning seshanba kunlari amalga oshiriladi. Reyslar jadvali quyidagicha:
- Namangandan uchish: 17:35 (Toshkent vaqti bilan)
- Krasnoyarskka yetib borish: 22:50 (Krasnoyarsk vaqti bilan)
- Krasnoyarskdan uchish: 00:20 (Krasnoyarsk vaqti bilan)
- Namanganga yetib kelish: 01:55 (Toshkent vaqti bilan)
Eslatib o‘tamiz, Uzbekistan Airways Farg‘ona vodiysi shaharlaridan talab yuqori bo‘lgan yo‘nalishlar bo‘yicha parvozlar amalga oshirish uchun “Sharqiy” xab tashkil etishi xabar qilingandi. Unga ko‘ra, 2022-yilning 31-yanvaridan boshlab Uzbekistan Airways Express havo kemalarida Full Economy (to‘liq iqtisodiy sinf) tamoyili asosida Namangandan Rossiyaning 8 ta shahriga to‘g‘ridan to‘g‘ri muntazam aviaqatnovlarni amalga oshirish boshlanadi. Talab oshgani sayin Namangandan yo‘nalish tarmog‘ini kengaytirish ham ko‘rib chiqiladi. 30-yanvar kuni Namangan xalqaro aeroportidan “Sharqiy xab” loyihasi doirasidagi ilk parvoz amalga oshirilgan.
Izoh (0)