Meksika g‘arbidagi Michoakan shtatida tashkil etilgan xo‘roz urishtirish o‘yinlarida 20 kishi halok bo‘ldi, deb xabar beradi Reuters.
Qotillik Las-Tinaxase shahrida sodir bo‘lgan. Bu yerda “Yangi avlod Xalisko karteli” (CJNG) giyohvand moddalar trafigining marshruti ustidan nazoratni qo‘lga kiritish maqsadida mahalliy bezorilar bilan kurashmoqda.
Meksika politsiyasining ma’lum qilishicha, 19 kishining — 16 nafar erkak va 3 nafar ayolning jasadi topilgan. Qurbonlarning barchasi o‘qotar qurollar yordamida otib ketilgan, bir nafar jabrlanuvchi shifoxonaga olib ketilayotganida vafot etgan. Politsiya, shuningdek, voqea joyida bo‘lgan 15 ta avtomobil tintuvga olgan.
“Bu bir guruhning boshqasi tomonidan qirib tashlanishi”, — deydi Meksika prezidenti Andres Manel Lopes Obrador. U qurbonlar munosabati bilan hamdardlik bildirgan.
Meksika armiyasi va Milliy gvardiya qo‘shinlari hujum uyushtirganlarni qo‘lga olish uchun shay holatga keltirilgan, biroq hozircha ular mintaqadagi ko‘p sonli uyushgan jinoiy to‘dalarning qaysi biriga tegishli ekani aniq emas.
Ta’kidlanishicha, xo‘roz urishtirish o‘yinlari mamlakatning ko‘plab viloyatlarida taqiqlanganiga qaramay, Meksikaning ayrim hududlarida ommabop o‘yin-kulgi bo‘lib qolmoqda va u odatda yashirin tarzda o‘tkaziladi.
Avvalroq Meksikada kriminal surishtiruvlar bilan shug‘ullanuvchi jurnalist otib ketilgani to‘g‘risida xabar berilgandi.
Izoh (0)